सिल्लोड : सिल्लोड-सोयगाव तालुक्यातील बँकांकडून शेतकऱ्यांना पिक कर्जासाठी अडवणुक केली जात आहे, शेतकरी आर्थिक कोंडीत सापडलेला असून, विनाअट शेतकऱ्यांना पिककर्ज देण्यात यावे, अशा मागणीचे निवेदन भाजपच्या पदाधिकाऱ्यांनी राज्याचे विरोधी पक्षनेते देवेंद्र फडणवीस यांना गुरुवारी (ता. नऊ) दिले.
विरोधी पक्षनेते देवेंद्र फडणवीस, प्रवीण दरेकर, माजी मंत्री गिरीश महाजन जळगावहून औरंगाबादला जात असतांना त्यांनी शहरातील पक्ष कार्यालयाला भेट दिली. यावेळी भाजपच्या पदाधिकाऱ्यांनी त्यांचे स्वागत करीत निवेदन दिले. कोरोनाच्या संकटामुळे शेतकऱ्यांच्या शेत मालाला भाव मिळाला नाही यामुळे शेतकरी आर्थिक अडचणीत आहे. शासनाने कर्ज माफी दिली; परंतु बँकाकडून त्यावरील व्याज वसूल करण्यात येत आहे. शिवाय कागदपत्रांची पूर्तता मोठी डोकेदुःखी ठरत आहे. बँकांनी विनाअट पिककर्ज द्यावे अशी मागणी निवेदनाद्वारे करण्यात आली आहे.
यावेळी प्रदेश कार्यकारणी सदस्य सुरेश बनकर, तालुकाध्यक्ष तालुकाध्यक्ष ज्ञानेश्वर मोठे, गणेश लोखंडे, प्रदेश चिटणीस इद्रीस मुलतानी, भाजयुमोचे प्रदेश उपाध्यक्ष सुनिल मिरकर,किसान मोर्चा प्रदेश सरचिटणीस मकरंद कोर्डे, माजी सभापती अशोक गरुड, विजय वानखेडे, अनिल खरात मंगेश सोहनी, दादाराव आळने आदींसह कार्यकर्ते उपस्थित होते.
कोणत्याही टिप्पण्‍या नाहीत:
टिप्पणी पोस्ट करा